طلعــــت فــوق السطوح هـــز الهوا كمـــي ...كــل البنات اتجوزت و انا قاعده جنب أمـــي
2 مشترك
صفحة 1 من اصل 1
طلعــــت فــوق السطوح هـــز الهوا كمـــي ...كــل البنات اتجوزت و انا قاعده جنب أمـــي
من طرف سندريلا المنصوره السبت فبراير 16, 2008 1:32 pm
سموا كده و خليكوا معايا واحدة واحدة...خلينا نتفق الأول ان موضوع الجواز و العرسان و تأخر الجواز ده موضوع حساس جدا..وصعب جدا انكوا تلاقوا حد بيتكلم فيه بصراحة..خصوصا بالنسبة للبنات....لأن اللي بتتكلم فيه بصراحة يا إما بيتبصلها على إنها قليلة الأدب و ماتربتش ..يا إما على انها مسروعة ع الجواز ..يا إما على انها بارت و مش لاقيه حد يتجوزها..عشان كده تلاقوا بنات كتير بتقول ..جواز ايه بلا نيلة ..يعني هم اللي اتجوزوا كانوا خدوا ايه...انا قاعده في بيت أبويا معززة مكرمة ,ايه اللي يخليني أروح أتبهدل مع حد ماعرفوش..أنا ما بافكرش في الجواز دلوقتي لما أبني مستقبلي ..و الجملة المستهلكة في كل الأفلام العربية .."لما أحقق ذاتي ""...مش عارفه ايه ذاتها دي و تحققها ازاي يعني
نتفق بقه على أسس تانية مهمة ....عدد البنات في مصر أكبر من عدد الرجاله
دي نقطة أساسية مش عايزة أي حد يناقشني فيها ( انا ديموقراطية اووووى على فكرة) ..و سيبوكوا بقه من إحصائيات الحكومة اللي بتقولك عدد الإتنين زي بعض ..لأن دي إحصائيات عاملة بالظبط زي درجات الحرارة اللي بيعلنوها في النشرة ..يعني الناس بتحلف بالطلاق ان الحرارة أكيد فوق ال 45 ..و هما لا يمكن يزودوها عن 38..أنا ليا واحد صاحب بابا قاللي ممنوع يزيعوا ان الحرارة فوق ال42 ده فى الصيف طبعا مش فى موجة التلج اللى احنا فيها دى عشان السياحة ماتنضربش و السياح مايهربوش
موضوع نسبة الإناث للذكور برده فيها لعب بالطريقة دي..ليه بقه النسبة أكبر؟ أقولكم
موضوع الستات اللي بيقعدوا يخلفوا عشان يجيبوا الولد..يعني فيه عائلات كتيرة تلاقيها كده..4 بنات وولد..5بنات وولد..6 بنات وولد ..و هكذا...و تفضل الست تخلف تخلف عشان البأف جوزها يجيله الواد..يجيبوا يعمل بيه ايه؟ ماتعرفش ..و بيجي في الآخر خايب و نايب و يقعدوا يدلعوا فيه لما يطلع فسدان و يضيعهلم اللي وراهم و اللي قدامهم و اللي جنبهم كمان...ما علينا ده موضوع تاني..بس أي حد بيدرس أو درس في أي كلية في جامعات مصر هيلاحظ ان عدد البنات في أي كلية أكبر من عدد الولاد ..في كليتي مثلا كانوا تلتين العدد بنات و التلت ولاد ..يعني الضعف
نقطة تانية ..الرجالة بقوا حاسين بنفسهم و بيتكبروا على خلق الله من البنات ( يقعدلهم في عينهم و عافيتهم يا رب ) و تلقي الراجل قاعد هو و أمه يتشرطوا ...لازم تبقى بيضا و شعرها بني و عينيها عسلي و شبه نيللي كريم ..الله يخرب بيوتكم طب بص لنفسك يا خويا في المرايه الأول ..طب بلاش بيقولوا الراجل مايعيبوش الا جيبه ..طب شبرقنا كده و ادخل في ايدك انشالله علبة ملبس ..ألا لأ البعيد هو و امه يروحوا يشوفوا العروسة الغلبانه اللي أهلها صارفين عليها الشئ الفلاني و مكلفين قعدة التعارف دي شئ و شويات ..رايحين إيد ورا و إيد قدام ..و البت مافيهاش أي عيب و يقولولكم ..لأ أصلها مش شبه نيللي كريم قوي ..دي قالبه شوية على نجلاء فتحي و انا مابحبش النوع ده ..تقولش حسين فهمي رايح يتقدم للبت
لأ و الأفراح ..نككككتة..زمان كنتوا تشوفوا في الأفلام العربي أي بنت تدخل فرح و هي لابسه شيك كده شوية ..يتلموا عليها الشبان و يبقوا عايزين ياكلوها .. و ما تخرجش م الفرح إلا بعريس..دلوقتي نفس التجمعات بس بالعكس ...تلاقي كل أم قاعده هي و بناتها مراقبين الشباب و ياويله اللي يعدي جنبهم...طارق ..إزيك يا ولد ..مش تيجي تسلم على بنات خالتك شوف بقوا حلوين إزاي؟...أنا مش طارق يا طنط و أنا متهيألي كده حضرتك مش خالتي ...صحيح؟ معلش يا حبيبي العتب ع النظر طب ما تعرفنا على نفسك كده ..يمكن ربنا يحبك و يبقالك نصيب معانا[/
color]
طبعا الواد يا إما بيطلع يجري ..يا إما حد من صحابه بياخد باله م الكمين اللي وقع فيه ويجي ينقذه على أساس في حد عايزة و كده
[color=#008080]
طبعا ده غير اللف اللي بيقعدوا البنات يلفوه حوالين العروسة عشان يبقوا واضحين لكل اللي في القاعة من كل الجهات ..و لما بيقف اللف تلاقيهم يزقوا في بعض أو يعملوا انهم بيعدلوا للعروسة فستانها أو طرحتها عشان يطلعوا في الفيديو..و يحاولوا يطلعوا في أكبر عدد ممكن من الصور ..يمكن يعجبوا حد و يتكل على الله و ينتشلهم من عالم الآنسات
الكلام ده كله على فكرة مش المفروض تضحكوا عليه..و الله البنات دول غلابة ..زمان ما كانش مطلوب من أي بنت غير انها تحترم نفسها و تقعد في بيت أبوها و تستنا العدل اللي بيكون في الغالب من إختيار أهلها
دلوقتي الكورة بقت في ملعب البنات ..يعني لازم تخرج و تشتغل و تروح أفراح و تزور أصحابها لأن مسؤلية إحضار عريس بقت ملقاه على عاتقها بالكامل ..أنا أعرف حالات كتيرة أهل البنات بيتخانقوا معاهم خناقات لرب السما عشان يخرجوا و يشتغلوا يا إما عمرهم ما هيتجوزوا .. و م الجهة التانية المجتمع في حالات كتير و خصوصا خارج القاهرة و الأسكندرية مابيرحمش أي بنت تخرج مع راجل عشان تتعرف عليه و يمكن يبقى فيه نصيب ..ده غير ان الراجل نفسه في الغالب ما بيرضاش بيها و يقولك عايز واحدة خام لا خرجت و لا اتكلمت مع حد غيري
طب بذمتكوا البنات يعملوا ايه...ده غير العداد اللي بيعد من أول ماتتخرج من الجامعه ...يعني البنت تعتبر بدأت تعنس من أول ما يعدي عليها سنتين أو تلاتة متخرجه و لسه ماتخطبتش
بصراحة المجتمع المنيل اللي احنا عايشين فيه و اللي بيقيمالبنت بجوازتها واللي تتجوز بسرعة تبقة شاطرة واللي تتأخر يبقى فيها عيب ..و ع الجهة التانية الراجل من حقه ينقي و يتشرط و يبقى مقطع السمكة و ديلها و يتقال عليه مفتح و مدقدق..و يبقى معدي الأربعين و من حقه يتجوز في أي وقت انشالله واحده عندها 18 سنة
المجتمع ده ظااالم و مفتري ..و البنات غلابه و الضغط عليهم بيزيد كل يوم والناس بتحاكمهم على حاجه مالهمش يد فيها
نتفق بقه على أسس تانية مهمة ....عدد البنات في مصر أكبر من عدد الرجاله
دي نقطة أساسية مش عايزة أي حد يناقشني فيها ( انا ديموقراطية اووووى على فكرة) ..و سيبوكوا بقه من إحصائيات الحكومة اللي بتقولك عدد الإتنين زي بعض ..لأن دي إحصائيات عاملة بالظبط زي درجات الحرارة اللي بيعلنوها في النشرة ..يعني الناس بتحلف بالطلاق ان الحرارة أكيد فوق ال 45 ..و هما لا يمكن يزودوها عن 38..أنا ليا واحد صاحب بابا قاللي ممنوع يزيعوا ان الحرارة فوق ال42 ده فى الصيف طبعا مش فى موجة التلج اللى احنا فيها دى عشان السياحة ماتنضربش و السياح مايهربوش
موضوع نسبة الإناث للذكور برده فيها لعب بالطريقة دي..ليه بقه النسبة أكبر؟ أقولكم
موضوع الستات اللي بيقعدوا يخلفوا عشان يجيبوا الولد..يعني فيه عائلات كتيرة تلاقيها كده..4 بنات وولد..5بنات وولد..6 بنات وولد ..و هكذا...و تفضل الست تخلف تخلف عشان البأف جوزها يجيله الواد..يجيبوا يعمل بيه ايه؟ ماتعرفش ..و بيجي في الآخر خايب و نايب و يقعدوا يدلعوا فيه لما يطلع فسدان و يضيعهلم اللي وراهم و اللي قدامهم و اللي جنبهم كمان...ما علينا ده موضوع تاني..بس أي حد بيدرس أو درس في أي كلية في جامعات مصر هيلاحظ ان عدد البنات في أي كلية أكبر من عدد الولاد ..في كليتي مثلا كانوا تلتين العدد بنات و التلت ولاد ..يعني الضعف
نقطة تانية ..الرجالة بقوا حاسين بنفسهم و بيتكبروا على خلق الله من البنات ( يقعدلهم في عينهم و عافيتهم يا رب ) و تلقي الراجل قاعد هو و أمه يتشرطوا ...لازم تبقى بيضا و شعرها بني و عينيها عسلي و شبه نيللي كريم ..الله يخرب بيوتكم طب بص لنفسك يا خويا في المرايه الأول ..طب بلاش بيقولوا الراجل مايعيبوش الا جيبه ..طب شبرقنا كده و ادخل في ايدك انشالله علبة ملبس ..ألا لأ البعيد هو و امه يروحوا يشوفوا العروسة الغلبانه اللي أهلها صارفين عليها الشئ الفلاني و مكلفين قعدة التعارف دي شئ و شويات ..رايحين إيد ورا و إيد قدام ..و البت مافيهاش أي عيب و يقولولكم ..لأ أصلها مش شبه نيللي كريم قوي ..دي قالبه شوية على نجلاء فتحي و انا مابحبش النوع ده ..تقولش حسين فهمي رايح يتقدم للبت
لأ و الأفراح ..نككككتة..زمان كنتوا تشوفوا في الأفلام العربي أي بنت تدخل فرح و هي لابسه شيك كده شوية ..يتلموا عليها الشبان و يبقوا عايزين ياكلوها .. و ما تخرجش م الفرح إلا بعريس..دلوقتي نفس التجمعات بس بالعكس ...تلاقي كل أم قاعده هي و بناتها مراقبين الشباب و ياويله اللي يعدي جنبهم...طارق ..إزيك يا ولد ..مش تيجي تسلم على بنات خالتك شوف بقوا حلوين إزاي؟...أنا مش طارق يا طنط و أنا متهيألي كده حضرتك مش خالتي ...صحيح؟ معلش يا حبيبي العتب ع النظر طب ما تعرفنا على نفسك كده ..يمكن ربنا يحبك و يبقالك نصيب معانا[/
color]طبعا الواد يا إما بيطلع يجري ..يا إما حد من صحابه بياخد باله م الكمين اللي وقع فيه ويجي ينقذه على أساس في حد عايزة و كده
[color=#008080]
طبعا ده غير اللف اللي بيقعدوا البنات يلفوه حوالين العروسة عشان يبقوا واضحين لكل اللي في القاعة من كل الجهات ..و لما بيقف اللف تلاقيهم يزقوا في بعض أو يعملوا انهم بيعدلوا للعروسة فستانها أو طرحتها عشان يطلعوا في الفيديو..و يحاولوا يطلعوا في أكبر عدد ممكن من الصور ..يمكن يعجبوا حد و يتكل على الله و ينتشلهم من عالم الآنسات
الكلام ده كله على فكرة مش المفروض تضحكوا عليه..و الله البنات دول غلابة ..زمان ما كانش مطلوب من أي بنت غير انها تحترم نفسها و تقعد في بيت أبوها و تستنا العدل اللي بيكون في الغالب من إختيار أهلها
دلوقتي الكورة بقت في ملعب البنات ..يعني لازم تخرج و تشتغل و تروح أفراح و تزور أصحابها لأن مسؤلية إحضار عريس بقت ملقاه على عاتقها بالكامل ..أنا أعرف حالات كتيرة أهل البنات بيتخانقوا معاهم خناقات لرب السما عشان يخرجوا و يشتغلوا يا إما عمرهم ما هيتجوزوا .. و م الجهة التانية المجتمع في حالات كتير و خصوصا خارج القاهرة و الأسكندرية مابيرحمش أي بنت تخرج مع راجل عشان تتعرف عليه و يمكن يبقى فيه نصيب ..ده غير ان الراجل نفسه في الغالب ما بيرضاش بيها و يقولك عايز واحدة خام لا خرجت و لا اتكلمت مع حد غيري
طب بذمتكوا البنات يعملوا ايه
...ده غير العداد اللي بيعد من أول ماتتخرج من الجامعه ...يعني البنت تعتبر بدأت تعنس من أول ما يعدي عليها سنتين أو تلاتة متخرجه و لسه ماتخطبتشبصراحة المجتمع المنيل اللي احنا عايشين فيه و اللي بيقيمالبنت بجوازتها واللي تتجوز بسرعة تبقة شاطرة واللي تتأخر يبقى فيها عيب ..و ع الجهة التانية الراجل من حقه ينقي و يتشرط و يبقى مقطع السمكة و ديلها و يتقال عليه مفتح و مدقدق..و يبقى معدي الأربعين و من حقه يتجوز في أي وقت انشالله واحده عندها 18 سنة
المجتمع ده ظااالم و مفتري ..و البنات غلابه و الضغط عليهم بيزيد كل يوم والناس بتحاكمهم على حاجه مالهمش يد فيها
سندريلا المنصوره- نائبة المشرف العام
-
عدد الرسائل : 1812
العمر : 34
الوظيفة : طالبه بجامعه المنصوره
المزاج : ميه ميه
تاريخ التسجيل : 01/12/2007
رد: طلعــــت فــوق السطوح هـــز الهوا كمـــي ...كــل البنات اتجوزت و انا قاعده جنب أمـــي
من طرف MaSrAwY_Sa الإثنين فبراير 18, 2008 8:20 am
ايوه كده الراجل راجل ولازم ينقي صح ولا ايه
عموما انتوا كمان واخدين حققكم كويس
مشكوره علي موضوعك
عموما انتوا كمان واخدين حققكم كويس
مشكوره علي موضوعك
MaSrAwY_Sa- نائب المشرف العام
-
عدد الرسائل : 944
العمر : 36
المزاج : يعني
تاريخ التسجيل : 02/12/2007
رد: طلعــــت فــوق السطوح هـــز الهوا كمـــي ...كــل البنات اتجوزت و انا قاعده جنب أمـــي
من طرف سندريلا المنصوره الإثنين فبراير 18, 2008 12:20 pm
شكرا مصراوى
بس على فكره دا هزااااااار وكلام عادى مافيش حد يصدق
بس على فكره دا هزااااااار وكلام عادى مافيش حد يصدق
سندريلا المنصوره- نائبة المشرف العام
-
عدد الرسائل : 1812
العمر : 34
الوظيفة : طالبه بجامعه المنصوره
المزاج : ميه ميه
تاريخ التسجيل : 01/12/2007
مواضيع مماثلةصفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى