بلاد الحلم

من طرف القلب الوحيد الإثنين يناير 21, 2008 9:44 am

[img]

[/img]

جاني واحد قال :ابسال كم سؤال
وقبل يسأل قلت: انا ماني خبير!
قال : جاوب بس !! ياولد الحلال
وكل كلمه حطها .. فبيت صغير
قال نبدي : شنهو تعريف المحال..؟
قلت :
خل هالكلمهـــ
فــــــــ البيت الأخير .. !
القهــر : إن شفت دمعـات الرجال
والوطن : ( إنسان ) .. مِتغيِّر كثير
والطفل : لعبه على شاطـي الرمال
والأمل : إحساس في عين الضرير
الوفا : [ قلبين ] .. يجمَعهُم حلال
والرَجُل : اللـي علـى أهلـه يغير
والرجا : لا قلت : للواطـي تعال
والفشل : مدري .. ولكنـه مرير
والشعر : في وقتنا .. بدر وطلال
زين وأوَّل : حيـل يعجبنـي جرير ..!
والغلا : إحساس إلى حَـد الخيال
والعِشِق : لا شفت مَعشُوقِك تطير
والجفا : إعكس مفاهيم / الوصال
والوَصِل : يعنـي تأكَّـد فيك خير
والعقل : تِسْفَـه أقاويـل الجهال
والجهل : إن قلت عن نفسك كبير
والخطر : لا صار ما عندك مجال
والبلا : إن صرت معدوم الضمير
والعجب : لا صرت تسأل منهو قال
والتعب : إن كنت تِبْحَثْ عن مصير
الغنى : بالنفس ما هو راس مال
والفقر : من كان .. بأعماله فقير

يكفي يكفي .. اسئله انهي الجدال
ويالله علمني عن .. السر الخطير
ما ابي تضرب لي في غيرك مثال
قول : عنك وأعتبر سرك في بير
جات طعنــــــه من جنوبك والشمال
يعني وضعك بين من حولك خطير
صاحبـــــي وان ضاقت بعينك ليال
لك فرشت القلب مفروش الحرير

في (بلاد الحلـــــــم ) ..ممنوع العقال
والمصيبه الشعب ما أ ختار الامير
وما أ لومك .. كان شديت الرحال
دام بيتك جرح / وفراشك حصير
هذا تعريفي الى كلمة : محال
شي ودك فيه ولا يمكن يصير .. !
\
/
لكــم الود وأك ــــثر..

من طرف **aser elhop** الأربعاء يناير 23, 2008 5:06 am

اخى الغالى كلمات جميلة وموضوع اجمل

تستحق التهنئة والتقدير علية

ولكن اسمحلى انقل هذا الموضوع للقسم الملائم لة

سيتم نقلة الى قصر عذب الكلام