مقارنه بين الطفل البيئه والطفل الهاى لايف

من طرف **اشطه** الأحد يناير 20, 2008 8:22 am

الطفل الهاى لايف:

1-الولد من دول يصحى على صوت الكناري اللي في اوضته
- سو سو سو سو

2-يدخل الحمام ياخد شاور .... ويغسل شعره بشامبو من ايطاليا .... ويحط جيل بالموز من فرنسا ويغسل أسنانه بمعجون سيجنال تو

3- يطلع من الحمام يلاقي الدادا مستنياه بفوطه من حريييييير .... وتلاعبه وتهزر معاه بالانجليزي
- الدادا معاها دكتوراه من جامعة اسفخص في لندن!

4-يخش على اوضته ... ويفتح الدولاب ويطلع منه هدومه المكويه واللي ريحة اريال باينه فيها
- اريال .... نسيم الصباح

5- يجيب جزمته من الجزامه ... اللي مليانه جزم وكوتشيهات ... وسبووورز
- تقولش دخلت محل لطفي أو توكيل تمبرلاند

6- ينزل يفطر مع مامي ودادي ... والفطار كورن فليكس بطعم الستروباري(الفراولة) او الشوكولات
- كورن فيليكس كلووقز .. مش بسكو مصر

7- يسلم على مامي ويبوسها بعد ماتكون حطتله ديناربوكس بتاعه وفيه .... ساندوتشين تشييييز و كيس شيبسي و عصير جهينه او ايزي موزوو
- ايزي مووزو !!!! فاكرين الاعلان ده ؟؟؟

8- يسلم على دادي اللي يديله البوكيت موني بالدولار ..... مش يعرفه حاجه اسمها جنيه!
- جنيه ايه؟؟؟؟ دي عملة انكردت من زمااان!

9- يطلع من البيت بعد الدادا ماتلبسه الشنطه بتاعة الكتب على ضهره
- بنشوف الشنطه دي مع الخواجات في شرم وبس

10- يركب الباص بتاع السكول .... ويشاور (باي باي) للدادا ولمامي ... ويركب مع زمايله ويغنو بالانجليش او الفرينش

- فريدرو جاكو .... فريدرو جاكو ... هايللبووه
------------------------------------------------
الطفل البيئة

1- طااااااااااخ!.... اخوه رمى عليه طوبه عشان بقاله ساعتين بيصحي فيه ... وهو ولا هنا
- طبعا .. مقضيها صرمحه في الشارع للفجر

2- العيال دي ماتعرفش اختراع اسمه (غسيل الوش بعد ما تقوم من النوم) .... هو شوية خناق مع اخواته ويبقى صحصح على الآآآآآآآخر
- بدل تمارين الصباح ... رياضه برضه

3- طبعا بعد الخناق ده بيبقى جعان ... تلاقيه بيحوم في الشقه ويدوّر في المطبخ على اي حاجه .... انشالله صرصار .. برضه هاياكله من الجوع

- عشان كده ماتلاقيش في بيتهم صراصير أبداً!

4- بعد ما يحط في بطنه اي حاجه في رغيف ... يدور على اي حاجه يلبسها .... القميص مرمي تحت السرير ... ويقلع اخوه الصغير البنطلون بتاعه وهو نايم
- هدومه كلها مكرمشه ... تقولوش طالعه من بق كلب

5- طب وبعدين .... ساعتين بيدور على الجزمه ... مش عارف رزعها فين ... واخوه الكبير خارج من البيت حافي كمان عشان مايقولش انه خدها ... افتكر اخيرا انه حاطط فرده منهم فوق الدولاب .... والتانيه ... تحت التلاجه
- طبعا ما يعرفش اختراع اسمه الشرابات

6- دلوقتي معاد حرب كل يوم:
ماما ... انا عايز مصروفي
: مصروف ايه ياااااض ... انت مش واخد امبارح .. ولا كل يوم مصروف مصروف
: يعني مافيش اي حاجه ؟؟؟
ممممم....و دى تيجى بردو يا حبيبى
فى دى: طااااااااخ....ضربة بالحله على نفوخه

7- الباشمهندس الصغير .... مايعرفش فين كتبه ولا كشاكيله اصلا .... عشان كده ... خد اي كتاب موجود في البيت على اي كشكول
- مايعرفش يعني ايه قلم .... غير اللي بياخده على قفاااه

8- هايروح مدرسته ازاي ؟؟؟ طبعا اي ميكروباس او عربيه نقل وقضيها شعبطه
- ليااااااااااااااااااااااااااااقة

هههههههههههه
هوا فى كده
سبحان الله بجد
تسلمى يا اشطه

من طرف امل الحياة الأحد يناير 20, 2008 9:11 am

انت ايه اللى مش عجبك ربنا جعلنا درجات فى الايمان مش فى المستوى
ليه بتبص على واحد هو طالع كده مستوة ربنا اعطه النعمه دى
بس برضوالتانى ربنا اعطه زاى الاول فى اى حاجه بيكون تفوق فيه
ربك اعطى كل انسان 24 قراط بتاعه
بس بعين الرضا على اى حد
وضعك انتى اللى بتحسنه

من طرف **اشطه** الأحد يناير 20, 2008 9:13 am

تسلم عيونك يا سندريلا

من طرف **اشطه** الأحد يناير 20, 2008 9:15 am

ونعم بالله وشكرا على ردك يا امل

من طرف **aser elhop** الأحد يناير 20, 2008 9:20 am

هههههههههههههههههههههههه

حلوة والله يا اشطة

وفى ناس عاديين بقة على فكرة بين دة ودة

ولا واد نايتى زى الاولانى

ولا واد زبالة زى التانى دة

تلاقية بقة واد جدع عارف مصلحتة يقوم من النوم ياخد دوش مش شور ها

يفوق بية كدة

وبعد كدة يلبس وينزل مامتة تكون محضرالة الفطار

الفطار العادى بقة

مش زى الاول ولا التانى

يفطر ومامتة تعملة السانويتشات

ياخدها بايد والمصروف بالايد التانية

وينزل يروح على مدرستة اذا كانت قريبة يمشى لحد المدرسة

واذا كنت بعيدة ياخد ميكروباص

واعتقد ان النوع دة احسن نوع

دة اللى يطلع راجل بجد بقة

عموما تسلم ايدك على الموضوع الجميل والفرفوشة الجميلة دى يا قمراية

ومنتظر منك كل جديد يا قمر

تقبلى ارق تحياتى

دمتى بكل ود

من طرف **اشطه** الأحد يناير 20, 2008 9:49 am

اكيد يا احمد فى الوسط مهى الحياه طبقات تسلم على ردك

من طرف ندى الصباح الأربعاء يناير 23, 2008 2:08 pm

هوااااااااااااااااااااااااااا في برضو كده ربنا يسامح اهلهم الحق بس على اهلهم

يسلموووووووووووووووو يا اشطة على النهفة دي
وانا مع الحج احمد
وفى ناس عاديين بقة على فكرة بين دة ودة

ولا واد نايتى زى الاولانى

ولا واد زبالة زى التانى دة
ويسلموووووووووو يا اشطة المنتدى

من طرف **اشطه** الأحد فبراير 10, 2008 10:38 am

تسلمى يا عاشقه
ونورتى الموضوع بردك
تحياتى ليكى

من طرف **el fares** الأحد فبراير 10, 2008 3:06 pm

هههههههههههههههه

حلو الموضوع دة

خلى الشعب يعيش

مقارنه بين الطفل البيئه والطفل الهاى لايف

مقارنه بين الطفل البيئه والطفل الهاى لايف

رد: مقارنه بين الطفل البيئه والطفل الهاى لايف

رد: مقارنه بين الطفل البيئه والطفل الهاى لايف

رد: مقارنه بين الطفل البيئه والطفل الهاى لايف

رد: مقارنه بين الطفل البيئه والطفل الهاى لايف

رد: مقارنه بين الطفل البيئه والطفل الهاى لايف

رد: مقارنه بين الطفل البيئه والطفل الهاى لايف

رد: مقارنه بين الطفل البيئه والطفل الهاى لايف

رد: مقارنه بين الطفل البيئه والطفل الهاى لايف

رد: مقارنه بين الطفل البيئه والطفل الهاى لايف

رد: مقارنه بين الطفل البيئه والطفل الهاى لايف